பெண்: ஒன்றே எங்கள் தேவன்
ஆண்: ஒன்றே எங்கள் ஜீவன்
பெண்: ஒன்றே எங்கள் தேவன்
ஆண்: ஒன்றே எங்கள் ஜீவன்

பெண்: எல்லோருமே ஒரு பூமாலைப் போல் அன்பாலே ஒன்று பட்டோம்
ஆண்: நான் நீ பேதமில்லை
பெண்: ஓர் தாய் பெற்ற பிள்ளை..

ஆண்: உறவென்னும் பாச ஊஞ்சலில் பொழுதெல்லாம் ஆடுவோம் உயிருள்ள காலம் யாவுமே பிரிவின்றி கூடுவோம்

பெண்: மனமென்னும் கோயில் வாசலில் மணி தீபம் ஏற்றுவோம் காலங்கள் மாறும் போதிலும் அணையாமல் போற்றுவோம்
ஆண்: தாய் தான் தெய்வம் இங்கே
பெண்: தந்தை செல்வம் இங்கே..

ஆண்: ஒன்றே எங்கள் தேவன்
பெண்: ஒன்றே எங்கள் ஜீவன்

பெண்: வருகின்ற நாளை வாழ்த்தியே வரவேற்று பாடுவோம் வசந்தங்கள் நாளும் வேண்டியே தெய்வத்தை நாடுவோம்

ஆண்: பூந்தென்றல் வீசும் சோலை போல் நாம் வாழும் வீடுதான் எந்நாளும் ஆடல் பாடல்கள் பொன்னான வாழ்வுதான்
பெண்: நான்தான் சொந்தம் கொண்டு
ஆண்: காண்போம் சொர்க்கம் இங்கே..

பெண்: ஒன்றே எங்கள் தேவன் ஒன்றே எங்கள் ஜீவன்

ஆண்: எல்லோருமே ஒரு பூமாலைப் போல் அன்பாலே ஒன்று பட்டோம்
பெண்: நான் நீ பேதமில்லை
ஆண்: ஓர் தாய் பெற்ற பிள்ளை..
பெண்: நான் நீ பேதமில்லை
ஆண்: ஓர் தாய் பெற்ற பிள்ளை..

இருவர்: லா லா லால லலலா லா லா லால லலலா….