ஆண்: ஓம் நமோ நாராயணாய

குழு: ………

ஆண்: { கல்லை மட்டும் கண்டால் கடவுள் தெரியாது கடவுள் மட்டும் கண்டால் கல்லடி தெரியாது } (2)

ஆண்: எட்டில் ஐந்து எண் கழியும் என்றும் ஐந்தில் எட்டு ஏன் கழியாது அஷ்ட அக்சரம் ஏற்கும் நெஞ்சு பஞ்ச அக்சரம் பார்க்காது

ஆண்: ஊனக் கண்ணில் பார்த்தால் யாவும் குற்றம் தான் ஞானக் கண்ணில் பார்த்தால் யாரும் சுற்றம் தான்

குழு: ………

ஆண்: ஓம்

ஆண்: இல்லை என்று சொன்ன பின்பும் இன்றியமையாது தொல்லை தந்த போதும் எங்கள் தில்லை மாறாது

குழு: இல்லை என்று சொன்ன பின்பும் இன்றியமையாது தொல்லை தந்த போதும் எங்கள் தில்லை மாறாது

ஆண்: வீர சைவர்கள் முன்னால் எங்கள் வீர வைணவம் தோற்காது மன்னன் சொல்லுக்கு அஞ்சி என்றும் மேற்கில் சூரியன் உதிக்காது

ஆண்: ராஜலெட்சுமி நாயகன் ஸ்ரீனிவாசன் தான் ஸ்ரீனிவாசன் சேய் இந்த விஷ்ணுதாசன் நான் நாட்டில் உண்டு ஆயிரம் ராஜ ராஜதா் தான் ராஜனுக்கு ராஜன் இந்த ரங்கராஜன் தான்

குழு: ………

ஆண்: நீருக்குள்ளே மூழ்கினாலும் நீதி சாகாது நெஞ்சுக்குள்ளே வாழும் எங்கள் ஜோதி சாகாது

குழு: நீருக்குள்ளே மூழ்கினாலும் நீதி சாகாது நெஞ்சுக்குள்ளே வாழும் எங்கள் ஜோதி சாகாது

ஆண்: வீசும் காற்று வந்து விளக்கணைக்கும் வெண்ணிலாவை அது அணைத்திடுமா கொட்டும் வான்மழை நிலம் நனைக்கும் அந்த வானம்தன்னை அது நனைத்திடுமா

ஆண்: சைவம் என்று பார்த்தால் தெய்வம் தெரியாது தெய்வம் என்று பார்த்தால் சமயம் கிடையாது

ஆண்: கல்லை மட்டும் கண்டால் கடவுள் தெரியாது கடவுள் மட்டும் கண்டால் கல்லடி தெரியாது

ஆண்: ……….