பெண்: உடல் விட்டு உடை விட்டு வெளியே விடைகொள் உயிரே.. அடைபட்ட சதைச்சிறை உடைத்தே உயிர்கொள் உயிரே..

பெண்: அவிழாய் அவிழாய் இதயம் அவிழாய் நெகிழாய் நெகிழாய் இறுக்கங்கள் நெகிழாய்

பெண்: ஏற்றுக்குறியாய் இங்கு நீயில்லையே அல்குல் முலையாய் இங்கு நான் இல்லையே

பெண்: ஆடை துறந்தும் நிர்வாணம் இல்லை மெய் நீங்கியும் இங்கு மரணம் இல்லை

பெண்: ஆகையால் ஆடு என்னோடு யாவுமே மறந்து ஆகையால் ஆடு என்னோடு ஆடலே மருந்து

ஆண்: ……..

பெண்: மகிழாய் மகிழாய் மயக்கங்கள் மகிழாய் நிகழாய் நிகழாய் நொடியாய் நிகழாய்

பெண்: எழுந்திடும் அலையென விழுந்திடும் மழையென அழுதிடும் முகிலென ஆடு அதிர்ந்திடும் நிலமென உதிர்ந்திடும் மலரென எதிர்த்திடும் புயலென ஆடு

பெண்: காதல் காமம் எல்லாம் உன் காலடியில் போட்டு ஆடும் போது நீயும் கடவுள் என்று காட்டு

பெண்: நீயே உந்தன் தாளம் நீயே உந்தன் மேடை நீயே உந்தன் விசிறி வேறு யாரும் இல்லை

பெண்: ஆகையால் ஆடு என்னோடு யாவுமே மறந்து ஆகையால் ஆடு என்னோடு ஆடலே மருந்து

ஆண்: ………..

பெண்: அவிழாய் அவிழாய் முழுதாய் அவிழாய் நெகிழாய் நெகிழாய் மெழுகாய் நெகிழாய்

பெண்: முத்தம் உரசல் இங்கு வீண்தானடா முற்றும் துறந்தால் நான் வான் தானடா

பெண்: ஆணா பெண்ணா நான் ரெண்டும் இல்லை பால் என்பதே இனி தேவையில்லை

பெண்: ஆகையால் ஆடு என்னோடு யாவுமே மறந்து ஆகையால் ஆடு என்னோடு ஆடலே மருந்து

ஆண்: ………..