Annai Vayal cover

Movie: Annai Vayal (1992)
Music: Sirpi
Lyricists: Pazhani Bharathi
Singers: S. P. Balasubrahmanyam and S. Janaki

Added Date: Feb 11, 2022

ஆண்: மல்லிகை பூவழகில் பாடும் இளம் பறவைகளில் நானும் உன்னை தேடி வந்தேன் பூங்குயிலே பூங்குயிலே

பெண்: ஆசை மணி ஓசையில் பூக்கும் நிலா கனவுகளை உன்னிடத்தில் பேசவந்தேன் பார்வையிலே பார்வையிலே

ஆண்: மல்லிகைப்பூ அழகில்

குழு: ………..

ஆண்: தேவி பாதையாவும் திருக்கோயிலாக மாறும்

பெண்: பார்வை ஏற்றும் தீபம் உந்தன் வார்த்தை வேதமாகும்

ஆண்: கண்கள் எழுதும் நாளும் புது காதல் ஓவியம்

பெண்: பெண்ணின் மௌனம் கூசும் அதில் வண்ணம் ஆயிரம்

ஆண்: கொஞ்சும் மணிச்சந்தம் அது உந்தன் மொழியே
பெண்: எந்தன் மனசிற்பம் என கொண்டேன் உன்னையே
ஆண்: தவித்திடும் தனிமையில் குளித்திடும் மழையினிலே

பெண்: ஆசை மணி ஓசையில் பூக்கும் நிலா கனவுகளை உன்னிடத்தில் பேசவந்தேன் பார்வையிலே பார்வையிலே

ஆண்: மல்லிகைப்பூ அழகில்

குழு: ……….

ஆண்: உந்தன் அழகை பேசும் தென்றல் பூவின் வாசம் வீசும்
பெண்: மூங்கில் தோளில் சாயும் தென்றல் ராகமாய் வாழும்

ஆண்: கலையும் கூந்தல் கோலம் சொல்லும் மோகப்பூங்கதை
பெண்: ஆசை சிறகை தேடும் ஒரு காதல் தேவதை

ஆண்: சொந்தம் இது சொர்கம் என வந்தது அருகே
பெண்: சிந்தும் மகரந்தம் இனி எந்தன் வழியே
ஆண்: நனைந்திடும் தளிர்களை அணைத்திடும் புது ஒளியே

பெண்: ஆசை மணி ஓசையில் பூக்கும் நிலா கனவுகளை உன்னிடத்தில் பேசவந்தேன் பார்வையிலே பார்வையிலே

ஆண்: மல்லிகை பூவழகில் பாடும் இளம் பறவைகளில் நானும் உன்னை தேடி வந்தேன் பூங்குயிலே பூங்குயிலே

பெண்: ஆசை மணி ஓசையிலே