சென்னை,

நடிகர் சித்தார்த் நடிப்பில் தயாராகியுள்ள திரைப்படம் ‘டக்கர்’. இந்த படத்தை கார்த்திக் ஜி கிரிஷ் இயக்கியுள்ளார். இந்த படத்தில் சித்தார்த்துக்கு ஜோடியாக நடிகை திவ்யான்ஷா கௌஷிக் நடித்துள்ளார். மேலும் யோகிபாபு, அபிமன்யூ சிங், முனிஷ்காந்த், ஆர்ஜே விக்னேஷ்காந்த் உள்ளிட்ட பலர் நடித்துள்ளனர்.

பேஷன் ஸ்டுடியோஸ் தயாரித்துள்ள இந்த படத்திற்கு நிவாஸ் கே பிரசன்னா இசையமைத்துள்ளார். வாஞ்சிநாதன் முருகேசன் ஒளிப்பதிவு செய்துள்ளார். சமீபத்தில் இந்த படத்தின் டிரைலர் மற்றும் பாடல்கள் வெளியாகி நல்ல வரவேற்பை பெற்றது.

இந்த நிலையில் ‘டக்கர்’ திரைப்படத்தின் புதிய பாடல் வெளியாகி உள்ளது. கு கார்த்திக் எழுதியுள்ள ‘சாகிறேன்’ என்ற இந்த பாடலை அபய் ஜோத்புர்கர், ஸ்வேதா மோகன் இணைந்து பாடியுள்ளனர். இந்த பாடல் தற்போது இணையத்தில் வைரலாகி வருகிறது.